Зуны XIX Азийн наадамд манай 15 тамирчин оролцож, цэц мэргэнээ сорьж байна

“Ханжоу 2022” 19 дэх удаагийн Азийн наадам БНХАУ-ын Ханжоу хотноо есдүгээр сарын 23-наас аравдугаар сарын 8-ныг хүртэл зохион байгуулагдаж байна.

Уг наадамд Азийн 50 гаруй орны тамирчид 40 спортын төрлөөр 482 багц медалийн төлөө өрсөлдөж байгаа юм.

“Ханжоу 2022” Азийн наадмын байт харваа спортын төрөлд Монголын 15 тамирчин оролцож, цэц мэргэнээ сорьж байна.

Тодруулбал

• Эрэгтэй ганцаарчилсан сонгодог харвааны төрөлд Б.Буянтүшиг, Д.Дашнамжил, Ж.Гантөгс, Б.Отгонболд
• Эмэгтэй ганцаарчилсан нийлмэл нумын харвааны төрөлд  С.Мөнх-Эрдэнэ, О.Биндэрьяа, Б.Батдулам
• Эрэгтэй ганцаарчилсан нийлмэл нумын харвааны төрөлд Г.Шандан, П.Жамьяангомбо, Ш.Даваахүү, Г.Ганзориг
• Эмэгтэй ганцаарчилсан сонгодог харвааны төрөлд Ж.Дагийжанчив, Б.Урантунгалаг, А.Энхтуяа, Ө.Халиун тус тус оролцож байгаа юм.